उ पिउँदैछे

किताबको र्यक्मा एउटा बार बनाइ
व्हिस्की र रमका बोतल पिउदैँ
सम्पूर्ण ज्ञान पेटम पोखि
गिलास आधा व्हिस्की आधा आसुँले भरेर
लुटिएको इज्जतलाई चीयर्स्!
बेचिएको सतलाई चीयर्स्!
लोप्पा ख्वाइएको स्वाभिमानलाई चीयर्स्!
नारी हुनुको कथालाई चीयर्स्!आज हरेक दु:खलाई गिज्याउँदै
लाजसँगै आज लजाउँदै
मदिरामाथी पुरुषत्वको ट्याग लगाउने
समाजलाई बाहिर घिच्याउँदै
घाउमा नुन छर्न तत्पर हातलाई
हारको हार चढाउँदै
नशामा बग्ने  नशा
का थोपाले
सबै घाउ सिउदैँछे
उ पिउँदैछे

चुरोटको धुँवा उड्दैछ
धुँवासँग उसको रहरा पनि उद्दैछ
खरानी खस्दैछ
खरानिसँग उसको अस्तित्व पनि खस्दैछ
अनी उसको मन्
चुरोटका ठुटाझैँ
जल्दै
र जलाउदैँ
जताततै छरिएको छ

बोतल रित्तिदैँछ

बोतलसँग उसको आँखा पनि रित्तिदैँछ

उसको प्यास मेटिदैँछ

प्याससँग यो समाज उसका आँखामा मेटिदैँछ

अनी उसको माय

सिसिका टुक्राझैँ

फुट्दै

बिझ्दै र बिझाउँदै

लावारिस भएको छ

उ भने

मर्यादाको बाँध तोड्दै

उसलाई सिद्ध्याउने हातहरुलाई 

बदलाको उदाहरण बनि

बोतलबाट फुत्किएको रक्सिझैँ

स्वतन्त्र भएर जिउँदैछे

उ पिउँदैछे