विश्व एड्स दिवस

( २ वर्ष अघी लेखिएको कविता, खोट भए माफी चाहन्छु ) 

विश्व एड्स दिवस

मनाउदैँ छौँ रे हामी

खै कहाँ छन् एड्स रोगी ?

रोगी जती लुकाएर

भोगीहरुलाई रातो रिबन भिराएर

"विश्व एड्स दिवस"

मनाउदैँ छौँ रे हामि

अहँ

देखेको छैन मैले त

कुनै एड्स रोगि

भए पनि भन्ला र कसैले ?

"म एड्स रोगी हुँ" भन्दै चिच्याउला र कसैले ?

हाम्रै कृपाले

हामी छौँ नि महान्!

कसैलाई एड्स हतारको रक्तदानको देन होला

हामी भन्छौँ

"छि, कता गएर एड्स बोकेर आइस् ! "

कसैलाई एड्स अभिभावकको उपहार होला

हामी भन्छौँ

"छि,कुन अश्लीलातामा मुख जोतेर आइस् ! "

यो समाज आफु पवित्र बन्नखोज्छ

यो समाज आफु चोखिएर पन्छिन खोज्छ

के उसलाई "छि" भन्ने पवित्र होलान् ?

आफुले गर्दा " प्रकृतिको नियम "

अरुलाई " छी " ?

फरका यती हो

ती सबको करणी गुप्त छ

केवल उसले प्रमाणपत्र पाएको छ

एड्स को

सायद

कुनै टेस्टमा

कसैको शरिर पवित्र भनिएला

तर

उसले मनमनै

कतिलाई नङ्याएको होला

कतिको बलात्कार गरेको होला

उ मनमनै कती खाटमा त कतिको नजरमा खस्यो होला

त्यो रोगी भनिने को त शरिरमा एड्स छ

तर यो समाज ?

यो समाजको मनमा एड्स छ

मस्तिष्कमा एड्स छ

यो समाजको कणकणमा एड्स छ

त्यसैले

यो एड्स रोगी समाजलाई

"एड्स दिवसको हार्दिक मंगलमय शुभकामना !!! "